أنا صادقة مليون%.. تعليق ساخر من فتاة الأتوبيس بعد براءة الشاب من تهمة التحرش
كتب : أسامة السيد
الثلاثاء، 24 مارس 2026 10:35 م
-
مشاركة
-
-
-
-
أصدرت محكمة جنح المقطم، اليوم الثلاثاء، حكمها ببراءة الشاب المتهم بالتحرش بفتاة تدعى "م.ش" داخل أتوبيس نقل عام بمنطقة المقطم، مع رفض الدعوى المدنية المرفوعة من قبلها.
تعليق الفتاة بعد صدور الحكم
نشرت الفتاة "م.ش" مقطع فيديو عبر حسابها على تيك توك، قالت فيه: "لما بيحصل مشكلة علمونا إن احنا نوثق ونصور، وعلمونا إننا نتكلم ونقول. أنا صورت اللي حصلي وصورت كل حاجة، والفيديو موضح كل تعدي، واللي ميشوفش الفيديو يبقى أعمى".
إجراءات قانونية ضد المتجاوزين
وأضافت: "الحكم بالبراءة مش هو الحكم النهائي، وأي حد هيتعدى عليا على السوشيال ميديا هتخذ ضده الإجراءات القانونية، وأي حد في الواقع هيفكر يأذيني هتخذ ضده الإجراءات القانونية".
وأكدت الفتاة على صدق روايتها: "غير مسموح بأي شكل من الأشكال إن حد يكذب الضحية أو يكذب روايتي، لأن أنا صادقة مليون %، وأنا مش محتاجة أدعي على حد بالباطل، ولا محتاجة أشهّر بحد أو أشهّر بسمعتي، ولا أخاطر بحياتي أو أخسر شغلي".
