السيسي: شبكة الطرق كانت تخدم 30 مليون نسمة في السابق

السيسي

قال الرئيس عبد الفتاح السيسي، إن شبكة الطرق كانت تخدم في السابق 30 مليون نسمة، معلقًا: "مستغربين قوي من التكاليف.. خليني أقول لكم إن شبكة الطرق كانت تخدم 30 مليونا وعلشان كده ما كنتش تبني تنمية ولا حركة.. اللى إحنا بنعمله نحاول نعمل شبكة تناسب 100 مليون ويمكن لمدة 10 سنين كمان".

وتابع السيسي خلال افتتاح محور التعمير بالإسكندرية: "محور زى النوبارية كان ممكن ما يكلفناش لو ما كانش الناس اتعدوا على جسر المحور، تخيلوا يا مصريين إن أنا بحمي جسر الترعة بالطريق، أضطر علشان حماية الجسر أعمله طريق يخدم طريق ونحمي جسر أرض دولة، ده معناه إن إحنا كدولة، المواطنين عندنا من كتر الأمور ما فكت مننا خلال السنين اللى فاتت خلاص بقا ابني عليه".

ولفت الرئيس إلى أن محور المحمودية لو المحور ما كنش عليه أكتر من ألف أو ألفين وحدة على أرض دولة ودفعنا 700 مليون جنيه تعويض اجتماعي، يعني رغم إنه مخالف ومش أرضه لكن قلنا ما نقدرش نسيب الناس كده ونمشيها، اللواء هشام قال محتاجين 700 مليون جنيه علشان إخلاء المكان وإنشاء طريق بطول 70 كيلو".

السيسي عبد الفتاح السيسي محور التعمير بالإسكندرية الإسكندرية

اخبار متعلقة