لقاء سويدان تكشف سر انفصالها عن حسين فهمي

قالت الفنانة لقاء سويدان: "لما باتجوز بكون ست مطيعة جدا لجوزي، ولما بتحط في موقف محتاج مني قوة بتظهر قوتي وقدرة احتمال لا أحد يتخيلها".

وأضافت خلال تصريحات تليفزيونية: "أنا من النوع اللي بيسمع كلام اللي بيحبه ويتجوزه بس لازم هو كمان يخليني احترمه ويبقى راجل بمعنى الكلمة، الرجولة مش ذكورة وصوت عالي ولا استعراض قوة ولكن الرجولة إني احترم عقليته وأحب الطريقة اللي بيتعامل بيها معايا".

 ولفتت: "أنا كنت ست محظوظة وحظي حلو في الرجالة وباتجوز رجالة حلوة، واتجوزت حسين فهمي اللي كان فتى أحلام البنات لسنين طويلة".

 
وأوضحت: "اللي لفت نظري في حسين فهمي مش جماله خالص ولكن اللي لفت نظري الطريقة اللي كان بيتعامل معايا بها، واشتغلنا في مسرحية سوا وبعد سنتين اتجوزنا وخلال السنتين دول حسين كان بيتعامل معايا بشكل مشوفتش شاب بيتعامل معايا زيه، كان بيحبني جدا وأنا كنت بحبه وبيغير عليا أكتر ما أنا بغير عليه، وخلال فترة جوازنا عمره ما خانني ومكنش عندي شك لحظة أنه هيخونني علشان كده مكنتش بغير عليه، بس هو راجل شرقي أوي ومكنش بيخليني أخرج مع أصحابي وده كان سبب الانفصال".

ولفتت: "حسين فهمي قال لي قبل جوازنا حاجة لطيفة أوي احنا هنعيش بمنطق اللي متصاحبين وبيحبوا بعض لكن في الحلال، ودي كانت نفس فكرتي عن الزواج، ويبقى عندنا نفس الشغف وطريقة التعامل وميبقاش عندنا النكد ومحدش بيجبر حد علي حاجة".