بألفاظ نابية.. مديرة مدرسة كابيتال الدولية تهاجم وزير التربية والتعليم: "بتدور على السبوبة"

شنت نرمين محمد مديرة مدرسة كابيتال الأمريكية الدولية، هجومًا حادًا على محمد عبد اللطيف وزير التربية والتعليم، بعد قراراته الصارمة عقب واقعة الاعتداء على طالبة في الصف السادس الأبتدائي، من قبل فتاة آخرى بمساعدة زملائها.

ألفاظ خارجة في رسالة مديرة المدرسة

وكتب نرمين محمد على صفحتها الرسمية: "تم وضع مدرسة كابيتال الدولية تحت الإشراف المالي والاداري ليه عشان حصلت خناقة بين بنتين واحدة شتمت كارما) والتانية ردت الشتيمة وضربت راوية) ونتج عن الضرب شرخ في الانف".

وأضافت: "قامت الدنيا ما قعدتش وتحولت الخناقة لقضية رأي عام علي الرغم ان إدارة المدرسة حولت ملف راوية الليثي من سنتين للوزارة عشان يتم فصلها فصل نهائي عشان برضه واقعة ضرب ولم يتم قبول الطلب واتقالنا دوركم تربوي قبل التعليم وقمنا بدورنا وقومنا سلوك البنت لمدة سنتين ما حصلش فيهم اي واقعة او مخالفة من البنت اللي كانت بتقوم بضبط النفس جداً عشان مستقبلها".

البنت المتهمة بالاعتداء على زميلتها متفوقة دراسيًا

وواصلت: "خاصة انها بنت متفوقة جدا دراسياً وكان من المفترض انها هتقدم ورقها انهاردة في كلية الطب جامعة الجلاله قتقوم بنت من 6 grade تتخانق مع اختها وتشتمها بالام فتلجأ البنت لاختها الكبيرة اللي هي راوية عشان تجبلها حقها خاصة ان كارما اطول واعرض منها وده اللي سمح لها بالتسلل لمنطقة ال High School اللي ما كنش المفروض تكون فيها وتسمع راوية شتيمة أمها بودنها فتنهال علي البنت بالسب والضرب وما تقدرش تتمالك اعصابها ويروح مجهود سنتين معاها من العلاج والتدريب علي ضبط النفس ويضيع مستقبلها كله بسبب نشر الفيديو اللي هيج الرأي العام وقوم الدنيا وما قعدهاش فيضيع مستقبل البنات وتتحول المدرسة للإشراف المالي والاداري".

بتدوروا على أي سبوبة

واختتمت: "والسؤال هنا هي المدارس اللي تحت الإشراف المالي ما بيحصلش فيها خناقات ولا تجاوزات وماشية ع الخط المستقيم ولا انتم بتدوروا علي أي سبوبة، واضح ان كابيتال كانت حرقاك اوي يا محمد يا عبد اللطيف احنا عرفنا دلوقتي اجندتك وانك مش هتسمح لأي مدرسة انها تنافس مدرسة ماما . بس خد بالك الكرسي مش بيدوم وانهاردة ليك وبكرة عليك ويوم ما هتبقي عليك الناس مش هترحمك".