محمد رجب: كنت مريض نفسي بالنظام واتعالجت

النجم محمد رجب

علق النجم محمد رجب، على حقيقة ذهابه لطبيب نفسي لمعاناته من مرض نفسي.

وقال "رجب"، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس: "كلنا تعبانين نفسيا والحياة فيها حاجات كتير يخليك في تناقض وغيره، وفكرة أنك كويس على طول مش هتوصل لحاجة وعندي مشاكل كتير وكنت منظم لأبعد حدود".

وذكر أنه عكس عاداته المنظمة وأصبح مهمل لأبعد الحدود حتى يوازن بين الطبعين، مضيفًا: "عكست النظام بالإهمال ووصلت لمرحلة المرض وأنا اللي عالجت نفسي وعملت العكس لحد ما تقبلت الوسط".

وأشار إلى أنه لا يكره الستات كما يشاع عنه، وعلق قائلًا: "مش بكره الستات ولا أرفض أخد منهم أوامر وبحب الستات بداية من احترامي لأمي ومين غبي يكره الستات وكل الحكاية أن أول تعيين ليا كنت عرفت أن مديرتي ست فرفضت التعيين وحسيت إن مستقبلي ممكن يحصل حاجة تعمل مشاحنات ومشاكل وشخصيتي وقتها يمكن مكنش عندي استعداد وقتها، وكانت أول تجربة في الحياة العملية وكنت مش مستعد اخد اوردر من ست والعقدة دي اتحلت".