توك شو

من بينها مصر.. أحمد موسى: رفع سعر الفائدة في أمريكا يؤثر على الدول نامية| فيديو

قال الإعلامي أحمد موسى، إن المؤسسات الدولية تركز على التصنيف الائتماني في مصر الفترات الماضية، وذلك بعد تخفيض وكالة فيتش للتصنيف الائتماني لمصر.

وذكر «موسى»، خلال برنامج «على مسئوليتي»، المذاع على قناة صدى البلد: «أمريكا عندها مشكلة كبيرة وأزمة بنوك، وفي خناقة الأيام دي، بين البيت الأبيض والكونجرس الأمريكي، ولكن هناك تركيز كبير على مصر في التصنيف الائتماني».

وأشار إلى السياسة والاقتصاد وجهان لعملة واحدة، مضيفًا: «مش لازم نبعد التقارير عن السياسة، شوف لما بيحصل رفع 25 نقطة من جانب الفيدرالي، ده يؤثر إزاي على الدول النامية ومصر من الدول دي».

وتابع: «عندنا مشكلة، آه، بس لازم نتكلم بشكل واضح ونحدد أسبابها، ومصر قادرة على سداد ديونها ولم ولن تتأخر في أي مرحلة عن سداد ديونها ولا عمرها هتتأخر»، مضيفًا: «عندهم قلق إن إحنا معندناش دخل كبير من الدولار، ولا هنقدر نغطي الطلبات، بس مصر بتقول إنها مستعدة وهتغطي كل ديونها، الحاجات دي بتعمل لهم ارتكاب وقلق».

وطالب «موسى»: «نشوف العالم بيعمل إية، بيخفض ضرائب علشان الاستثمار، وعندنا الضرائب رقم واحد في موازنة الدولة، ونشوف ألمانيا رابع اقتصاد في العالم خدت قرار إيه اليوم، والمعاناة في الصناعة، بس ثبتت أسعار الكهرباء حتى 2030».