بطريقة سهلة وبسيطة.. دار الإفتاء توضح كيف حسبت زكاة الفطر لهذا العام

كشفت دار الإفتاء المصرية، عن كيفية تقديرها قيمة زكاة الفطر، خلال العام الجاري.

وقالت دار الإفتاء، عبر صفحتها على فيسبوك: "حسبناها على القمح اللي هو نوع من الأنواع المذكورة في سنة سيدنا رسول الله، والخاصة بزكاة الفطر، بالإضافة إلى أنه غالب طعام المصريين يتعمل منه العيش اللي هو وجبة أساسية، وكمان يدخل في أطعمة كثيرة جدًا".

وذكرت الدار: "طيب سعر إردب القمح كام السنة دي، ٢٠٠٠ جنيه من أحسن الأنواع، وإردب القمح فيه ١٥٠ كيلو، يبقى سعر الكيلو كام ١٣.٣٣ ثلاثة عشر جنيه وثلاثة وثلاثون قرشًا تقريبًا، وطيب والزكاة أد ايه في القمح (٢.٠٤ كيلو)، يبقى نضرب ٢.٠٤كيلو في ١٣.٣٣جنيهًا يطلع الناتج ٢٧.١٩ جنيهًا".

وأضافت: "دار الإفتاء قالت إن الزكاة ٣٥ جنيهًا، يعني زودت كمان عن الحد الأدنى بشويه، و٣٥ جنيه الحد الأدنى (يعني طلع أكتر من ٣٥ جنيها لو معاك ودخلك يسمح لك)، بس اللى مش هيقدر فأقل حاجه يطلعها عن الفرد ٣٥ جنيها".

وأردفت: "طيب أنا شايف إن ٣٥ جنيها، قليل مش هتعمل حاجه يبقى تطلع ما ترضاه نفسك، وتحس إنه له قيمه، لكن لا تقل عن ٣٥ جنيها، ولا تلزم غيرك يطلع زيك لأن ممكن يكون غير قادر".

وذكرت: "كمان تقدر تطلعها فلوس لا تشتر بها شيء؛ لأن بعض الناس مفكره إن ناخد الفلوس نشتري بها أرز مثلا، لأ طلعها فلوس وربنا يتقبل منك، كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس، ودا على مذهب الشافعية ومن وافقهم".