السيسي: «الناس محدش يقدر يخدعهم.. واحنا ماشيين في مسار إصلاح حقيقي»

أكد الرئيس عبد الفتاح السيسي علي تعطل الكثير من المشروعات وخروجها عن الخدمة نتيجة عدم الاستقرار، وتابع: "مشاريع كتير وقفت في الدولة بسبب عدم الاستقرار.. وتعرضت للانهيار أو تعرضت لخسائر كبيرة.. واتخصمت من الناتج المحلي من الدولة.. وبقت أصحابها في مديونية.. ونحاول نحل المسألة دي.. وفرنا 100 مليار جنيه .. من أجل تعويض أصحاب المشروعات".

وقال الرئيس السيسي خلال كلمته في افتتاح مجمع "التكسير الهيدروجيني" في مسطرد بالقليوبية: "بقول تاني لكل المصريين والإعلاميين والمثقفين والبرلمان الحالي والبرلمان القادم.. ومجلس الشيوخ.. كل حاجة مبنية علي الاستقرار والأمن.. عملت الأمن والاستقرار هيجبلك المستثمرين.. البلد دي مستقرة ونقدر نحط فيها مشاريع.. ولو مفيش استقرار منقدرشي.. وتقدر عجلة الاستثمار لعشرات السنين وتتطور الدولة".

وتابع الرئيس السيسي: "الناس محدش يقدر يخدعهم بالكلام.. واحنا ماشيين في مسار إصلاح.. والناس تتفهم ده وتتحمل التكلفة" متابعا: "بفضل الله الناس بتتكلم عن مصر "بسم الله ما شاء الله".. ورغم اللي بيحصل في العالم في ظل توقف حركة السياحة.. وتأثر حركة التجارة الدولية.. ومصر فضلت بخير علشان ربنا.. وبخير علشان شعبها تحمل.. وطول فما فيه استقرار هنفضل نعمل كده".

الحصاد مصر السيسي الناس

اخبار متعلقة